3:09 ص
يعني ايه الدال على الخير كفاعله ؟
يعني لو نفسك تساعد محتاج أو فقير ممكن تقدم له مساعده ماليه ده كده اسمه خير, ولو مش قادر تقدم مساعده ماليه ممكن تطوع في عمل خيري يبقى انت كده برضه بتعمل خير, ولو برضه مش قادر تطوع ممكن تدل اي حد وتشجعه على فعل الخير يبقى انت كده عملت الخير.
طيب ايه المطلوب مني دلوقتي ؟
المطلوب منك دلوقتي انك تنوي تعمل خير
طيب نويت والنية لله - ها بقى وبعدين
وبعدين ياسيدي شوف ايه الخير اللي تقدر تقدمه
لو انت معاك فلوس ممكن تتبرع لجمعيه خيرية زي جمعية الاورمان أو بنك الطعام المصري أو مستشفى سرطان الأطفال.
انت شكلك معاك فلوس ياللي بتقرأ الموضوع ده يالا إتبرع بقى.
أتبرع إزاي ؟
- حلو قوي حيث بقى انك قولتلي أتبرع إزاي يبقى أنت فعلا نويت تعمل الخير ,قولي صحيح أنت معالك فيزا أو مستر كارد ؟
أه معايا.
شكلك غني/هـ ومتريش/هـ بص بقى الرابط اللي جاي ده بتاع بنك الطعام ممكن تتبرع أون لاين بـ 10 جنيه أو 50 اللي يطلع من ذمتك وأبقى أكتب رقم الفيزا بأيدك اليمين حتى لا تعلم يسارك ما أنفقت يمينك .
http://www.egyptianfoodbank.com/card/payment.asp
والرابط ده بتاع جمعية الأورمان
http://www.egyptianfoodbank.com/card/payment.asp
والرابط ده بتاع مستشفى سرطان الأطفال
https://www.57357.com/arabicsite/e-payment/t3/step1.asp
انت ما فتحتش ولا رابط من دول يبقى مش معاك فيزا
طيب اتصل ببنك الطعام على الرقم ده 16060 واستفسر تدفع لهم ازاي وده رقم مستشفى سرطان الاطفال 57357 وده رقم جمعية الأورمان 19455.
انت وصلت لحد هنا يبقى تليفونك مش فيه رصيد خلاص بطل رغي انا هقولك تعمل ايه.
بص ياسيدي او ياستي قصدي يا سيدتي انتو ممكن تطوعو لصالح اي جمعيه اللي سبق ذكرهم وتقدم طلب وتحدد انت ممكن تساعدهم ازاي أو في ايه.
- آه والله أنا نفسي أعمل كده.
والله أنا عارف أنك انسان خير عشان كملت قرايه ووصلت لحد هنا وانا مش هسيبك غير لما تعمل الخير وأجري وأجرك عند الله.
بص أدخل على الرابط اللي جاي وتطوع لصالح جمعية الأورمان وهما هيشوفو انت ممكن تعمل ايه وهيدلوك ع الخير.
http://www.dar-alorman.com/mail.php
- طيب مفيش حاجه تانيه غير حكاية التطوع دي ؟
اه في انت ممكن تتصل بجمعية رساله على رقم 19450 ويجولك لحد البيت .
لحد البيت يعملو ايه ؟
اديهم لبس صغر عليك تي شيرت من اللي عندك ومش راضي تلبسه عشان شفت واحد في الشارع اللي وراك لابس واحد زيه أو البنطلون اللي اتنتش وانت نازل من الميكروباص اي حاجه من الهدوم اللي في الدولاب اللي مش بتلبسها او الشاشه بتاعت الكمبيوتر اللي راكنها عشان جبت شاشه ال سي دي او الموبايل القديم طيب الشاحن بتاع الموبايل اي حاجه ابوس ايدك .
- والله معنديش حاجه من اللي بتقول عليها دي .
طيب بص الواد احمد ومحمد صحابك عندهم والبت نونا وشوشو ابعتلهم الرابط ده وانا هقنعهم.
يعني لو نفسك تساعد محتاج أو فقير ممكن تقدم له مساعده ماليه ده كده اسمه خير, ولو مش قادر تقدم مساعده ماليه ممكن تطوع في عمل خيري يبقى انت كده برضه بتعمل خير, ولو برضه مش قادر تطوع ممكن تدل اي حد وتشجعه على فعل الخير يبقى انت كده عملت الخير.
طيب ايه المطلوب مني دلوقتي ؟
المطلوب منك دلوقتي انك تنوي تعمل خير
طيب نويت والنية لله - ها بقى وبعدين
وبعدين ياسيدي شوف ايه الخير اللي تقدر تقدمه
لو انت معاك فلوس ممكن تتبرع لجمعيه خيرية زي جمعية الاورمان أو بنك الطعام المصري أو مستشفى سرطان الأطفال.
انت شكلك معاك فلوس ياللي بتقرأ الموضوع ده يالا إتبرع بقى.
أتبرع إزاي ؟
- حلو قوي حيث بقى انك قولتلي أتبرع إزاي يبقى أنت فعلا نويت تعمل الخير ,قولي صحيح أنت معالك فيزا أو مستر كارد ؟
أه معايا.
شكلك غني/هـ ومتريش/هـ بص بقى الرابط اللي جاي ده بتاع بنك الطعام ممكن تتبرع أون لاين بـ 10 جنيه أو 50 اللي يطلع من ذمتك وأبقى أكتب رقم الفيزا بأيدك اليمين حتى لا تعلم يسارك ما أنفقت يمينك .
http://www.egyptianfoodbank.com/card/payment.asp
والرابط ده بتاع جمعية الأورمان
http://www.egyptianfoodbank.com/card/payment.asp
والرابط ده بتاع مستشفى سرطان الأطفال
https://www.57357.com/arabicsite/e-payment/t3/step1.asp
انت ما فتحتش ولا رابط من دول يبقى مش معاك فيزا
طيب اتصل ببنك الطعام على الرقم ده 16060 واستفسر تدفع لهم ازاي وده رقم مستشفى سرطان الاطفال 57357 وده رقم جمعية الأورمان 19455.
انت وصلت لحد هنا يبقى تليفونك مش فيه رصيد خلاص بطل رغي انا هقولك تعمل ايه.
بص ياسيدي او ياستي قصدي يا سيدتي انتو ممكن تطوعو لصالح اي جمعيه اللي سبق ذكرهم وتقدم طلب وتحدد انت ممكن تساعدهم ازاي أو في ايه.
- آه والله أنا نفسي أعمل كده.
والله أنا عارف أنك انسان خير عشان كملت قرايه ووصلت لحد هنا وانا مش هسيبك غير لما تعمل الخير وأجري وأجرك عند الله.
بص أدخل على الرابط اللي جاي وتطوع لصالح جمعية الأورمان وهما هيشوفو انت ممكن تعمل ايه وهيدلوك ع الخير.
http://www.dar-alorman.com/mail.php
- طيب مفيش حاجه تانيه غير حكاية التطوع دي ؟
اه في انت ممكن تتصل بجمعية رساله على رقم 19450 ويجولك لحد البيت .
لحد البيت يعملو ايه ؟
اديهم لبس صغر عليك تي شيرت من اللي عندك ومش راضي تلبسه عشان شفت واحد في الشارع اللي وراك لابس واحد زيه أو البنطلون اللي اتنتش وانت نازل من الميكروباص اي حاجه من الهدوم اللي في الدولاب اللي مش بتلبسها او الشاشه بتاعت الكمبيوتر اللي راكنها عشان جبت شاشه ال سي دي او الموبايل القديم طيب الشاحن بتاع الموبايل اي حاجه ابوس ايدك .
- والله معنديش حاجه من اللي بتقول عليها دي .
طيب بص الواد احمد ومحمد صحابك عندهم والبت نونا وشوشو ابعتلهم الرابط ده وانا هقنعهم.
Posted in: قصص واقعية
المشاركات
