تحذير هام جداً لجميع مستخدمي الفيس بوك بياناتك وصورك في خطر

في مصيبه موجوده ومنتشره دلوقتي على الفيس بوك لسه مكتشفها وأول حاجه خطرت في بالي اخواتي البنات وصورهم وفي ناس كتير زي انا مثلا حاطيين صور مهمه بس مغيريين الخصوصيه بتاعت الألبوم اللي فيه الصور ان مفيش حد يشوف الصور غيرهم حتى أصدقائهم.

لما اكتشفت ده قولت لازم انبه الناس.. الأشتغلات على الفيس بوك كتير بس الا الاشتغاله دي ... دي مصيبه ... كارثه .

الموضوع خلاصته انا عندي موقع اسمه queen-palace.com وليه فان بيدج مشترك فيها 19 ألف واحد .

ومعايا واحده زميلتي أدمن على صفحة Queen Palace على الفيس بوك فوجئت في يوم اني اتلغيت من الأدمن بتاع الصفحة حبيت أبعت لزميلتي دي رساله أسئلها في ايه مالقتش الأكونت بتاع الفيس بوك بتاعها عندي قولت يبقى الاكونت اتعمله باند وانا اتحذفت من الأدمن كلمتها على الياهو قالتلي مش عارفه ايه اللي حصل انا بدخل على الفيس بوك عندي بيظهر لي حاجات غريبه خدت منها اليوزر والباسوورد بفتح لاقيت الأكونت بتاعها بقى حساب بزنس Business Account والطبيعي بتاعي اي حد انه حساب شخصي Personal Account .

قولتلها انتي غيرتي الاكونت وعملتي كذا وكذا قالت لي والله ما لعبت في حاجه ولا غيرت حاجه انا بفتح لاقيته كده .

مفيش حاجه جت في بالي غير انها سابت الاكونت مفتوح وحد لعب فيه وغيره من غير ما يقصد .

انا بحكي اللي حصل بالتفصيل الممل عشان عارف ان الاغبياء والهبل والعبط كتير اللي لسه بيصدقو الاشتغالات لحد دلوقتي الاشتغاله تنزل وتلاقي 20 الف واحد مشترك فيها في يومين .

المهم دي صفحة queen palace على الفيس https://www.facebook.com/Queens.Palace

انا كنت عامل وصلة RSS مع مجلة سكوب عشان تنزل مواضيع المجلة اوتماتيك على الصفحه بفتح النهارده الصفحة دي لاقيت بوست نازل ومن على الصفحه ومش RSS يعني في حد ادمن على الصفحه ببص على اللي كاتبه لاقيت اشتغاله جديده (المصيبه)

ودي صوره للأشتغاله اللي فيها روابط وهميه لحسابات فيس بوك هتفهمو هيا بتتعمل ليه بعدين المهم انا منزل صوره عشان لو نزلت روابط الاغبياء هيدخلو عليها

فضلت أدور ع النت عشان اعرف مين الأدمن ومين صاحب الاشتغاله وصلت للمصيبه وهي عباره عن موقع اسمه  fbouk.com وده شبه الفيس بوك بالظبط في فان بيدجيز لممثلين واكونتات بصراحه انا اول حاجه شوفتها في الموقع فان بيدج لكريم عبدالعزيز واتخدعت فيها وبحسب ان انا على الفيس بوك

المهم صفحه مثلا زي بتاعت كريم عبدالعزيز دي بتتنشر على الفيس بوك عادي والناس تدخل ومش واخده بالها من اي حاجه خالص وتيجي تعمل لايك للصفخه يظهر له رسالة log in تسجيل الدخول وبحسن نيه تحط الايميل والباسوورد وكان الله بالسر عليم .

طيب انتو بقى عايزين تعرفوا الراجل ده بيعمل كده ليه والاشتغاله دي فايدتها ايه 

لما انت تدخل اليوزر والباسوورد في موقع الاف بوك ده بترح رساله للنصاب فيها اليوزر والباص بتوعك خلاص كده هو ممكن يدخل على حساب الفيس بوك عندك تخيل بقى واحد غريب بيقرأ رسايلك الخاصه وصورك و .... و .....

بعد ما يخلص من قرائة الرساليل وينزل الصور عنده ويسرق الفان بيدجيز يروح مغير الاكونت بتاعك لفان بيدج باي اسم هوه يختاره وااللي مشترك بقى في الفان بيدج دي هيبقى مين ( أصدقائك ) وبعدين يروح عامل دمج بين الفان بيدج بتاعت الأكونت بتاعك بأي فان بيدج قديمه عنده .

 يعني هتلاقى احمد ومحمد وشوشو صحابك مش لاقينك في الفريندز عندهم وهما اشتركو في فان بيدج غصب عنهم أياً كان أسم الفان بيدج دي .

تيجي انت بقى تفتح الفيس بوك هتلاقيه بقى حساب بزنس Business Account نفس اللي حصل مع صاحبتي اللي لسه مش قولت لها حاجه وهسيبها تقرأ الموضوع ده معاكم .

وده رابط صفحة كريم عبدالعزيز اللي بتاعت الموقع الاشتغاله قبل ما تدخل عليه انا بقولك ما تدخلش ايمياك ولا الباص بتاعتك اللينك مش اكتف واعمله copy عشان الناس اللى مش بتفهم

http://www.fbouk.com/Karim.AbdelAziz.Official.Page?sk=wall

كل واحد ياخد باله وينبه أصدقائه وخصوصاً البنات ربنا يسترها عليكم وعلى ولايانا

اللهم قد بلغت اللهم فأشهد

للأستفسار ابعتولي رساله على الفيس بوك

Ahmed Helmy

Posted in: اخبار